राजर्षी छत्रपती शाहू महाराजांचे कार्य आणि आधुनिक काळातील प्रासंगिकता
"इतिहास केवळ वाचायचा नसतो, तर तो वर्तमानात जगायचा असतो आणि भविष्यासाठी घडवायचा असतो," हा विचार प्रत्यक्षात आणणारे लोकराजे म्हणजे राजर्षी छत्रपती शाहू महाराज! २६ जून हा या क्रांतीसूर्याचा जयंती दिन. हा दिवस केवळ एक सण किंवा उत्सव नाही, तर सामाजिक न्याय आणि समतेच्या विचारांची उजळणी करण्याचा दिवस आहे. माझे हे पूर्वजन्मीचे संचितच म्हणावे लागेल की, ज्या राजाने बहुजन समाजाच्या उद्धारासाठी आपले आयुष्य वेचले, त्यांनी १९२२ मध्ये संकल्पना मांडलेल्या आणि पुढे १९३२ साली पुण्यात साकारलेल्या 'ऑल इंडिया श्री शिवाजी मेमोरियल सोसायटी'च्या (AISSMS) 'श्री शिवाजी प्रिपरेटरी मिलिटरी स्कूल आणि ज्युनिअर कॉलेज'मध्ये मला आज प्राध्यापक म्हणून ज्ञानदानाचे कार्य करण्याची संधी मिळाली आहे. या [...]
